ਸਰਦਾਰਨੀ ਹਰਮਹਿੰਦਰ ਕੌਰ ਮਾਤਾ ਸ. ਅਮਰੀਕ ਸਿੰਘ ਕੂਨਰ ਐਮ.ਡੀ. ਅਕਾਲ ਚੈਨਲ ਬਰਮਿੰਘਮ ਦੇ ਅਕਾਲ ਚਲਾਣੇ ਤੇ ਸ. ਮਾਨ ਤੇ ਪਾਰਟੀ ਨੇ ਗਹਿਰੇ ਦੁੱਖ ਦਾ ਪ੍ਰਗਟਾਵਾ ਕੀਤਾ

ਫ਼ਤਹਿਗੜ੍ਹ ਸਾਹਿਬ, 06 ਜਨਵਰੀ ( ) “ਖ਼ਾਲਸਾ ਪੰਥ, ਪੰਜਾਬ, ਪੰਜਾਬੀਆਂ ਅਤੇ ਸਾਹਿਬ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦੀ ਮਨੁੱਖਤਾ ਪੱਖੀ ਸੋਚ ਦਾ ਕੌਮਾਂਤਰੀ ਪੱਧਰ ਤੇ ਨਿਧੱੜਕਤਾ ਨਾਲ ਪ੍ਰਚਾਰ ਕਰਨ ਅਤੇ ਸੱਚ ਨੂੰ ਉਜਾਗਰ ਕਰਨ ਵਾਲੇ ਸੰਸਾਰ ਦੇ ਪ੍ਰਮੁੱਖ ਅਕਾਲ ਟੀ.ਵੀ ਚੈਨਲ ਦੇ ਐਮ.ਡੀ ਸ. ਅਮਰੀਕ ਸਿੰਘ ਕੂਨਰ ਦੇ ਸਤਿਕਾਰਯੋਗ ਮਾਤਾ ਹਰਮਹਿੰਦਰ ਕੌਰ ਜੀ ਜੋ ਆਪਣੇ ਸਵਾਸਾਂ ਦੀ ਪੂੰਜੀ ਸੰਪੂਰਨ ਕਰਦੇ ਹੋਏ ਗੁਰੂ ਚਰਨਾਂ ਵਿਚ ਜਾ ਬਿਰਾਜੇ ਹਨ । ਇਸ ਕੂਨਰ ਪਰਿਵਾਰ ਨੂੰ ਪਹੁੰਚੇ ਗਹਿਰੇ ਸਦਮੇ ਵਿਚ ਸਮੂਲੀਅਤ ਕਰਦੇ ਹੋਏ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਦੇ ਪ੍ਰਧਾਨ ਸ. ਸਿਮਰਨਜੀਤ ਸਿੰਘ ਮਾਨ ਅਤੇ ਪਾਰਟੀ ਦੀ ਸਮੁੱਚੀ ਲੀਡਰਸਿਪ ਨੇ ਜਿਥੇ ਸ. ਅਮਰੀਕ ਸਿੰਘ, ਉਨ੍ਹਾਂ ਦੇ ਪਰਿਵਾਰਿਕ ਮੈਬਰਾਂ, ਦੋਸਤਾਂ, ਮਿੱਤਰਾਂ ਤੇ ਸੰਬੰਧੀਆਂ ਨਾਲ ਇਸ ਦੁੱਖ ਦੀ ਘੜੀ ਵਿਚ ਸਾਂਝ ਪਾਉਦੇ ਹੋਏ ਹਮਦਰਦੀ ਜਾਹਰ ਕੀਤੀ ਹੈ, ਉਥੇ ਵਿਛੜੀ ਨੇਕ ਪਵਿਤਰ ਆਤਮਾ ਦੀ ਸ਼ਾਂਤੀ ਲਈ ਸਮੂਹਿਕ ਤੌਰ ਤੇ ਗੁਰੂ ਚਰਨਾਂ ਵਿਚ ਅਰਦਾਸ ਕਰਨ ਦੇ ਨਾਲ-ਨਾਲ ਸਭਨਾਂ ਨੂੰ ਗੁਰੂ ਦੇ ਭਾਣੇ ਵਿਚ ਵਿਚਰਣ ਦੀ ਸ਼ਕਤੀ ਬਖਸਿਸ ਕਰਨ ਲਈ ਅਰਜੋਈ ਵੀ ਕੀਤੀ ਗਈ । ਅੱਜ ਉਨ੍ਹਾਂ ਦੇ ਪਿੰਡ ਧਨੀ ਨਜਦੀਕ ਜਲੰਧਰ ਵਿਖੇ ਸੰਸਕਾਰ ਸਮੇ ਸ. ਸਿਮਰਨਜੀਤ ਸਿੰਘ ਮਾਨ ਪ੍ਰਧਾਨ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਵੱਲੋ ਸ਼ਹੀਦ ਭਾਈ ਬੇਅੰਤ ਸਿੰਘ, ਸਤਵੰਤ ਸਿੰਘ ਤੇ ਭਾਈ ਕੇਹਰ ਸਿੰਘ ਦੀ ਸ਼ਹੀਦੀ ਬਰਸੀ ਸ੍ਰੀ ਅਕਾਲ ਤਖਤ ਸਾਹਿਬ ਤੇ ਹੋਣ ਵਾਲੀ ਅਰਦਾਸ ਵਿਚ ਸਮੂਲੀਅਤ ਕਰਨ ਦੇ ਵਜੋ ਇਸ ਮੌਕੇ ਤੇ ਬੇਸੱਕ ਸਰੀਰਕ ਤੌਰ ਤੇ ਹਾਜਰ ਨਹੀ ਹੋ ਸਕੇ ਪਰ ਉਨ੍ਹਾਂ ਦੇ ਹੁਕਮਾਂ ਦੀ ਤਾਮੀਲ ਕਰਦੇ ਹੋਏ ਸਾਡੇ ਜਲੰਧਰ ਦਿਹਾਤੀ ਦੇ ਪ੍ਰਧਾਨ ਸ. ਸੁਖਜੀਤ ਸਿੰਘ ਡਰੋਲੀ ਆਪਣੀ ਪੂਰੇ ਜਥੇ ਸਮੇਤ ਸੰਸਕਾਰ ਸਮੇ ਪਾਰਟੀ ਵੱਲੋ ਅਰਦਾਸ ਵਿਚ ਸਾਮਿਲ ਹੋਏ।”

ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਬਹੁਤ ਅੱਛੀ ਤਰ੍ਹਾਂ ਇਹ ਵੀ ਮਹਿਸੂਸ ਕਰਦਾ ਹੈ ਕਿ ਜੋ ਸ. ਅਮਰੀਕ ਸਿੰਘ ਕੂਨਰ ਨੇ ਗੁਰੂ ਸਾਹਿਬਾਨ ਵੱਲੋ ਮਿਲੇ ਆਪਣੇ ਸਾਧਨਾਂ ਅਤੇ ਧਨ-ਦੌਲਤ ਦੇ ਭੰਡਾਰਾਂ ਦੀ ਸਹੀ ਵਰਤੋ ਕਰਦੇ ਹੋਏ ਅਕਾਲ ਟੀ.ਵੀ ਚੈਨਲ ਰਾਹੀ ਬੀਤੇ ਲੰਮੇ ਸਮੇ ਤੋ ਬੇਖੌਫ ਤੇ ਨਿਧੱੜਕ ਹੋ ਕੇ ਇਸ ਚੈਨਲ ਰਾਹੀ ਖ਼ਾਲਸਾ ਪੰਥ ਦੀ ਆਵਾਜ ਅਤੇ ਸਾਹਿਬ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਦੇ ਮਨੁੱਖਤਾ ਪੱਖੀ ਸੰਦੇਸ ਨੂੰ ਦੁਨੀਆ ਦੇ ਕੋਨੇ-ਕੋਨੇ ਵਿਚ ਪਹੁੰਚਾ ਰਹੇ ਹਨ, ਇਹ ਗੁੜਤੀ ਉਨ੍ਹਾਂ ਦੀ ਮਾਤਾ ਸਤਿਕਾਰਯੋਗ ਸਰਦਾਰਨੀ ਹਰਮਹਿੰਦਰ ਕੌਰ ਵੱਲੋ ਹੀ ਮਿਲੀ ਹੋਈ ਹੈ । ਜਿਸਦੀ ਬਦੌਲਤ ਉਹ ਇਸ ਵਿਸੇ ਉਤੇ ਪੂਰੀ ਸੰਜੀਦਗੀ ਤੇ ਗੰਭੀਰਤਾ ਨਾਲ ਅਮਲ ਕਰਦੇ ਹੋਏ ਸੇਵਾ ਕਰਦੇ ਆ ਰਹੇ ਹਨ ਅਤੇ ਰਹਿੰਦੇ ਸਵਾਸਾਂ ਤੱਕ ਇਹ ਸੇਵਾ ਇਸ ਚੈਨਲ ਰਾਹੀ ਨਿਭਾਉਦੇ ਰਹਿਣਗੇ । ਅੱਜ ਦੀ ਇਸ ਸਮੂਹਿਕ ਅਰਦਾਸ ਵਿਚ ਸਾਮਿਲ ਹੋਣ ਵਾਲਿਆ ਵਿਚ ਸ. ਮਾਨ ਤੋ ਇਲਾਵਾ ਸ. ਇਕਬਾਲ ਸਿੰਘ ਟਿਵਾਣਾ ਮੁੱਖ ਬੁਲਾਰਾ ਸਿਆਸੀ ਤੇ ਮੀਡੀਆ ਸਲਾਹਕਾਰ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ), ਕੁਸਲਪਾਲ ਸਿੰਘ ਮਾਨ, ਮਾਸਟਰ ਕਰਨੈਲ ਸਿੰਘ ਨਾਰੀਕੇ, ਪ੍ਰੋ. ਮਹਿੰਦਰਪਾਲ ਸਿੰਘ, ਕੁਲਦੀਪ ਸਿੰਘ ਭਾਗੋਵਾਲ, ਹਰਪਾਲ ਸਿੰਘ ਬਲੇਰ, ਉਪਕਾਰ ਸਿੰਘ ਸੰਧੂ, ਅੰਮ੍ਰਿਤਪਾਲ ਸਿੰਘ ਛੰਦੜਾ, ਗੁਰਜੰਟ ਸਿੰਘ ਕੱਟੂ (ਜਰਨਲ ਸਕੱਤਰ), ਇਮਾਨ ਸਿੰਘ ਮਾਨ ਹਾਜਰ ਸਨ । ਉਨ੍ਹਾਂ ਦੀ ਆਤਮਾ ਦੀ ਸ਼ਾਂਤੀ ਲਈ ਸ੍ਰੀ ਸੁਖਮਨੀ ਸਾਹਿਬ ਜੀ ਦੇ ਆਖੰਡ ਪਾਠ ਸਾਹਿਬ ਜੀ ਦੇ ਭੋਗ ਜੋ 12 ਜਨਵਰੀ ਐਤਵਾਰ ਨੂੰ ਉਨ੍ਹਾਂ ਦੇ ਗ੍ਰਹਿ ਵਿਖੇ ਪਾਏ ਜਾ ਰਹੇ ਹਨ, ਉਸ ਅਰਦਾਸ ਵਿਚ ਸ. ਸਿਮਰਨਜੀਤ ਸਿੰਘ ਮਾਨ ਪ੍ਰਧਾਨ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਤੇ ਸਮੁੱਚੀ ਪਾਰਟੀ ਸਮੂਲੀਅਤ ਕਰੇਗੀ ।