ਸ. ਇੰਦਰਜੀਤ ਸਿੰਘ ਖ਼ਾਲਸਾ ਫ਼ਰੀਦਕੋਟੀਏ ਬਹੁਤ ਹੀ ਅੱਛੇ ਇਨਸਾਨੀਅਤ ਪੱਖੀ ਤੇ ਕੌਮ ਪੱਖੀ ਖਿਆਲਾਤਾਂ ਦੇ ਮਾਲਕ ਸਨ : ਮਾਨ

ਫ਼ਤਹਿਗੜ੍ਹ ਸਾਹਿਬ, 12 ਦਸੰਬਰ ( ) “ਸ. ਇੰਦਰਜੀਤ ਸਿੰਘ ਖ਼ਾਲਸਾ ਇਕ ਅਜਿਹੀ ਸਰਬਪੱਖੀ ਸਖਸ਼ੀਅਤ ਸਨ ਜਿਨ੍ਹਾਂ ਨੇ ਆਪਣੇ ਮਿਲੇ ਸਵਾਸਾਂ ਨੂੰ ਮਨੁੱਖਤਾ ਦੀ ਸੇਵਾ ਵਿਚ ਲਗਾਉਦੇ ਹੋਏ ਆਪਣੀ ਜਿੰਦਗੀ ਦੇ ਦੌਰਾਨ ਅਜਿਹੇ ਉੱਦਮ ਕੀਤੇ ਜਿਨ੍ਹਾਂ ਦੇ ਸਰੀਰਕ ਤੌਰ ਤੇ ਚਲੇ ਜਾਣ ਉਪਰੰਤ ਵੀ ਪੰਜਾਬ ਨਿਵਾਸੀ ਅਤੇ ਸਿੱਖ ਕੌਮ ਉਨ੍ਹਾਂ ਦੀਆਂ ਨਿਰਸਵਾਰਥ ਸੇਵਾਵਾਂ ਦੀ ਬਦੌਲਤ ਹਰ ਆਤਮਾ ਅਤੇ ਮਨ ਵਿਚ ਸਦਾ ਲਈ ਜੀਵਤ ਰਹਿਣਗੇ । ਉਨ੍ਹਾਂ ਨੇ ਵਿਦਿਅਕ ਖੇਤਰ ਵਿਚ ਬਹੁਤ ਹੀ ਮਾਰਕੇ ਯੋਗ ਉਦਮ ਕਰਕੇ ਲੋਕਾਈ ਨੂੰ ਵਿਦਿਆ ਨਾਲ ਸੰਬੰਧਤ ਕਈ ਸੰਸਥਾਵਾਂ ਦਿੱਤੀਆ ਜੋ ਰਹਿੰਦੀ ਦੁਨੀਆ ਤੱਕ ਸਾਡੇ ਬੱਚਿਆਂ ਨੂੰ ਵਿਦਵਤਾ ਦੇ ਨਾਲ-ਨਾਲ ਜਿੰਦਗੀ ਜਿਊਂਣ ਦੇ ਢੰਗ ਪ੍ਰਤੀ ਵੀ ਅਗਵਾਈ ਕਰਦੀਆ ਰਹਿਣਗੀਆ । ਬਾਬਾ ਫ਼ਰੀਦ ਦੇ ਨਾਮ ਤੇ ਫ਼ਰੀਦਕੋਟ ਅਤੇ ਹੋਰ ਕਈ ਸਥਾਨਾਂ ਉਤੇ ਚੱਲ ਰਹੀਆ ਸੰਸਥਾਵਾਂ ਉਨ੍ਹਾਂ ਦੀ ਹੀ ਦੇਣ ਹਨ । ਜਿਥੇ ਉਹ ਵਿਦਵਤਾ ਦੀ ਭਰਪੂਰ ਜਾਣਕਾਰੀ ਰੱਖਣ ਵਾਲੇ ਗਿਆਨਵਾਨ ਸਨ, ਉਥੇ ਉਹ ਵਕਾਲਤ ਦੇ ਪੇਸੇ ਦੀ ਵੀ ਡੂੰਘੀ ਮੁਹਾਰਤ ਰੱਖਦੇ ਸਨ । ਜਿਨ੍ਹਾਂ ਨੇ ਆਪਣੀ ਕਾਨੂੰਨੀ ਵਾਕਫੀਅਤ ਨੂੰ ਲੋਕਾਂ ਦੇ ਮਸਲੇ ਹੱਲ ਕਰਨ ਅਤੇ ਵੱਡੇ-ਵੱਡੇ ਮਸਲਿਆ ਨੂੰ ਨਜਿੱਠਣ ਵਿਚ ਡੂੰਘਾਂ ਯੋਗਦਾਨ ਪਾਇਆ । ਬੇਸੱਕ ਅੱਜ ਉਹ ਸਰੀਰਕ ਤੌਰ ਤੇ ਸਾਡੇ ਵਿਚ ਨਹੀ ਰਹੇ । ਲੇਕਿਨ ਆਤਮਿਕ ਤੌਰ ਤੇ ਉਹ ਪੰਜਾਬੀਆਂ ਤੇ ਸਿੱਖ ਕੌਮ ਵਿਚ ਸਦਾ ਜੀਵਨ ਵੀ ਰਹਿਣਗੇ ਅਤੇ ਯਾਦ ਵੀ ਰੱਖੇ ਜਾਣਗੇ ।”

ਇਸ ਸ਼ਬਦਾਂ ਦਾ ਪ੍ਰਗਟਾਵਾਂ ਸ. ਸਿਮਰਨਜੀਤ ਸਿੰਘ ਮਾਨ ਐਮ.ਪੀ ਅਤੇ ਪ੍ਰਧਾਨ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਨੇ ਸ. ਇੰਦਰਜੀਤ ਸਿੰਘ ਖ਼ਾਲਸਾ ਜੀ ਦੇ ਬੀਤੇ ਦਿਨੀਂ ਹੋਏ ਅਕਾਲ ਚਲਾਣੇ ਉਤੇ ਡੂੰਘੇ ਦੁੱਖ ਦਾ ਇਜਹਾਰ ਕਰਦੇ ਹੋਏ ਅਤੇ ਵਿਛੜੀ ਪਵਿੱਤਰ ਆਤਮਾ ਦੀ ਸ਼ਾਂਤੀ ਲਈ ਅਰਦਾਸ ਕਰਦੇ ਹੋਏ ਕੀਤਾ । ਜਿਥੇ ਉਨ੍ਹਾਂ ਨੇ ਆਪਣੇ ਹੱਥੀ ਲੋਕਾਈ ਦੀ ਸੇਵਾ ਕੀਤੀ, ਉਥੇ ਉਨ੍ਹਾਂ ਨੇ ਆਪਣੇ ਬੱਚਿਆਂ ਨੂੰ ਵੀ ਮਨੁੱਖਤਾ ਦੀ ਸੇਵਾ ਕਰਨ ਦੀ ਗੁੜ੍ਹਤੀ ਦਿੱਤੀ । ਜਿਨ੍ਹਾਂ ਵਿਚ ਉਨ੍ਹਾਂ ਦੇ ਵੱਡੇ ਬੇਟੇ ਸ. ਸਿਮਰਨਜੀਤ ਸਿੰਘ ਸੇਖੋ ਐਡਵੋਕੇਟ ਨੇ ਲੰਮਾਂ ਸਮਾਂ ਖ਼ਾਲਸਾ ਪੰਥ ਦੀ ਨਿਰਸਵਾਰਥ ਹੋ ਕੇ ਸੇਵਾ ਕਰਦੇ ਰਹੇ ਹਨ ਅਤੇ ਉਹ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਦੇ ਅਹਿਮ ਅਹੁਦਿਆ ਉਤੇ ਬਿਰਾਜਮਾਨ ਰਹਿੰਦੇ ਹੋਏ ਸੇਵਾ ਨਿਭਾਉਦੇ ਰਹੇ ਹਨ । ਜੋ ਅੱਜ ਵੀ ਆਪਣੀਆ ਸੇਵਾਵਾਂ ਨਿਰੰਤਰ ਖ਼ਾਲਸਾ ਪੰਥ ਨੂੰ ਦੇ ਰਹੇ ਹਨ । ਸ. ਇੰਦਰਜੀਤ ਸਿੰਘ ਸੇਖੋ ਦੇ ਚਲੇ ਜਾਣ ਨਾਲ ਹਰ ਕੌਮੀ ਤੇ ਮਨੁੱਖਤਾ ਪੱਖੀ ਆਤਮਾ ਅੱਜ ਇਸ ਲਈ ਨਮ ਹੈ ਕਿਉਂਕਿ ਅਜਿਹੀਆ ਨਿਰਸਵਾਰਥ, ਗੁਰੂ ਦੇ ਹੁਕਮ ਵਿਚ ਵਿਚਰਣ ਵਾਲੀਆ ਸਖਸ਼ੀਅਤਾਂ ਸਮਾਜ ਨੂੰ ਕਦੀ ਕਦਾਈ ਮਿਲਦੀਆਂ ਹਨ ਅਤੇ ਜੋ ਆਪਣੇ ਰਹਿੰਦੇ ਜੀਵਨ ਵਿਚ ਕਈ ਖੇਤਰਾਂ ਵਿਚ ਆਪਣੀਆ ਸੇਵਾਵਾਂ ਅਤੇ ਵਿਚਾਰਾਂ ਸਦਕਾ ਡੂੰਘੀ ਛਾਪ ਛੱਡ ਦਿੰਦੇ ਹਨ । ਉਨ੍ਹਾਂ ਦੀ ਆਤਮਾ ਦੀ ਸ਼ਾਂਤੀ ਲਈ ਅਰਦਾਸ ਕਰਨ ਵਾਲਿਆ ਵਿਚ ਸ. ਸਿਮਰਨਜੀਤ ਸਿੰਘ ਮਾਨ ਤੋ ਇਲਾਵਾ ਸ. ਇਕਬਾਲ ਸਿੰਘ ਟਿਵਾਣਾ ਮੁੱਖ ਬੁਲਾਰਾ ਸਿਆਸੀ ਤੇ ਮੀਡੀਆ ਸਲਾਹਕਾਰ, ਇਮਾਨ ਸਿੰਘ ਮਾਨ ਸਰਪ੍ਰਸਤ ਯੂਥ, ਮਾਸਟਰ ਕਰਨੈਲ ਸਿੰਘ ਨਾਰੀਕੇ, ਪ੍ਰੋ. ਮਹਿੰਦਰਪਾਲ ਸਿੰਘ, ਕੁਸਲਪਾਲ ਸਿੰਘ ਮਾਨ, ਗੁਰਸੇਵਕ ਸਿੰਘ ਜਵਾਹਰਕੇ, ਕੁਲਦੀਪ ਸਿੰਘ ਭਾਗੋਵਾਲ, ਹਰਪਾਲ ਸਿੰਘ ਬਲੇਰ, ਅਵਤਾਰ ਸਿੰਘ ਖੱਖ, ਉਪਕਾਰ ਸਿੰਘ ਸੰਧੂ, ਅੰਮ੍ਰਿਤਪਾਲ ਸਿੰਘ ਛੰਦੜਾ (ਸਾਰੇ ਜਰਨਲ ਸਕੱਤਰ), ਗੋਬਿੰਦ ਸਿੰਘ ਸੰਧੂ ਜਥੇਬੰਦਕ ਸਕੱਤਰ, ਗੁਰਜੰਟ ਸਿੰਘ ਕੱਟੂ ਵਿਸੇਸ ਸਕੱਤਰ, ਗੁਰਦੀਪ ਸਿੰਘ ਢੁੱਡੀ, ਇਕਬਾਲ ਸਿੰਘ ਬਰੀਵਾਲਾ ਆਦਿ ਆਗੂ ਹਾਜਰ ਸਨ ।