ਸਾਊਥ ਏਸੀਆ ਦਾ ਅਮਨ-ਚੈਨ ਅਤੇ ਜਮਹੂਰੀਅਤ ਤਦ ਹੀ ਕਾਇਮ ਰਹਿ ਸਕੇਗੀ ਜੇਕਰ ਗੁਆਂਢੀ ਮੁਲਕ ਮਾਲੀ ਅਤੇ ਫ਼ੌਜੀ ਮੁੱਦੇ ਤੇ ਤਕੜੇ ਰਹਿਣਗੇ : ਮਾਨ
ਫ਼ਤਹਿਗੜ੍ਹ ਸਾਹਿਬ, 22 ਸਤੰਬਰ ( ) “ਜੋ ਸਾਊਦੀ ਅਰਬ ਤੇ ਪਾਕਿਸਤਾਨ ਦੋਵੇ ਮੁਸਲਿਮ ਮੁਲਕਾਂ ਦਾ ਆਪਸ ਵਿਚ ਬੀਤੇ ਕੁਝ ਦਿਨ ਪਹਿਲੇ ਕੌਮਾਂਤਰੀ ਪੱਧਰ ਤੇ ਵੱਡਾ ਫ਼ੌਜੀ ਸਮਝੌਤਾ ਹੋਇਆ ਹੈ, ਉਸ ਵਿਸੇ ਉਤੇ ਕੌਮਾਂਤਰੀ ਪੱਧਰ ਤੇ ਕਈ ਪ੍ਰਗਤੀਆ ਤੇ ਤਬਦੀਲੀਆ ਹੋਣੀਆ ਸੁਭਾਵਿਕ ਹਨ । ਇਹੀ ਵਜਹ ਹੈ ਕਿ ਪਾਕਿਸਤਾਨ ਦੇ ਰੱਖਿਆ ਵਜੀਰ ਨੇ ਅੱਜ ਇਹ ਕਿਹਾ ਹੈ ਕਿ ਉਹ ਸਾਊਦੀ ਅਰਬ ਨੂੰ ਆਪਣੇ ਨਿਊਕਲੀਅਰ ਹਥਿਆਰ ਨਹੀ ਦੇਣਗੇ । ਜਦੋਕਿ ਸਾਡੇ ਸਾਧਨਾਂ ਰਾਹੀ ਸਾਡੇ ਕੋਲ ਇਹ ਪੁਖਤਾ ਜਾਣਕਾਰੀ ਹੈ ਕਿ ਇਹ ਸਮਝੋਤਾ ਪੂਰਨ ਰੂਪ ਵਿਚ ਹੋਇਆ ਹੈ ਅਤੇ ਸਾਊਦੀ ਅਰਬ ਦੇ ਏਅਰਫੋਰਸ ਦੇ ਅਫਸਰ ਖੁਦ ਹੀ ਪਹਿਲੇ ਮਿਜਾਇਲਾਂ ਚਲਾਉਣ ਅਤੇ ਹੋਰ ਹਥਿਆਰਾਂ ਦੀ ਪਹਿਲੋ ਹੀ ਅੱਛੀ ਮੁਹਾਰਿਤ ਰੱਖਦੇ ਹਨ ਅਤੇ ਕਿਸੇ ਸਮੇ ਵੀ ਅਜਿਹਾ ਮਾਹੌਲ ਬਣਨ ਉਤੇ ਇਹ ਇਕ ਦੂਸਰੇ ਦੇ ਪੂਰਨ ਸਹਿਯੋਗੀ ਹੋ ਕੇ ਨਿਕਲਣਗੇ । ਜੋ ਪਾਕਿਸਤਾਨ ਦੇ ਰੱਖਿਆ ਵਜੀਰ ਨੇ ਫਰਮਾਇਆ ਹੈ ਉਹ ਤਾਂ ਕੌਮਾਂਤਰੀ ਪ੍ਰਭਾਵ ਤੇ ਹੋ ਰਹੀਆ ਤਬਦੀਲੀਆ ਦੀ ਬਦੌਲਤ ਸਥਿਤੀ ਸਪੱਸਟ ਕੀਤੀ ਗਈ ਹੈ ।”
ਇਹ ਵਿਚਾਰ ਸ. ਸਿਮਰਨਜੀਤ ਸਿੰਘ ਮਾਨ ਪ੍ਰਧਾਨ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਨੇ ਸਾਊਦੀ ਅਰਬ ਤੇ ਪਾਕਿਸਤਾਨ ਦੇ ਹੋਏ ਫੌਜੀ ਸਮਝੋਤੇ ਉਪਰੰਤ ਕੌਮਾਂਤਰੀ ਪੱਧਰ ਤੇ ਹੋ ਰਹੀਆ ਪ੍ਰਗਤੀਆ ਤੇ ਤਬਦੀਲੀਆ ਉਤੇ ਅਤੇ ਪਾਕਿਸਤਾਨ ਦੇ ਰੱਖਿਆ ਵਜੀਰ ਵੱਲੋ ਆਪਣੀ ਸਥਿਤੀ ਸਪੱਸਟ ਕਰਨ ਲਈ ਦਿੱਤੇ ਗਏ ਬਿਆਨ ਸੰਬੰਧੀ ਆਪਣੇ ਵਿਚਾਰ ਜਾਹਰ ਕਰਦੇ ਹੋਏ ਪ੍ਰਗਟ ਕੀਤੇ । ਉਨ੍ਹਾਂ ਕਿਹਾ ਕਿ ਇਹ ਵੀ ਸਮੁੱਚੇ ਸੰਸਾਰ ਦੇ ਮੁਲਕਾਂ ਅਤੇ ਵੱਡੇ ਮੁਲਕਾਂ ਨੂੰ ਇਹ ਜਾਣਕਾਰੀ ਹੈ ਕਿ ਸਾਊਥ ਏਸੀਆ ਵਿਚ ਆਉਣ ਵਾਲੇ ਮੁਲਕਾਂ ਦੀ ਜਮਹੂਰੀਅਤ ਅਤੇ ਅਮਨ ਚੈਨ ਤਦ ਹੀ ਕਾਇਮ ਰਹਿ ਸਕੇਗਾ ਜੇਕਰ ਇਹ ਸਾਰੇ ਗੁਆਢੀ ਮੁਲਕ ਮਾਲੀ ਤੌਰ ਤੇ ਅਤੇ ਫ਼ੌਜੀ ਤਾਕਤ ਦੇ ਤੌਰ ਤੇ ਬਰਾਬਰ ਦੇ ਮਜਬੂਤ ਤੇ ਤਕੜੇ ਰਹਿਣਗੇ ।