ਰੌਜਾ ਸਰੀਫ ਤੋ ਲੈਕੇ 4 ਨੰਬਰ ਚੂੰਗੀ ਸਰਹਿੰਦ ਤੱਕ ਦੋਵੇ ਪਾਸੇ ਸਟਾਲਾਂ ਤੇ ਦੁਕਾਨਾਂ ਨਾ ਲਗਾਉਣ ਦੇ ਮੈਡਮ ਥਿੰਦ ਦੇ ਹੁਕਮ ਬਿਲਕੁਲ ਦਰੁਸਤ ਅਤੇ ਸਵਾਗਤਯੋਗ : ਟਿਵਾਣਾ
ਫ਼ਤਹਿਗੜ੍ਹ ਸਾਹਿਬ, 11 ਦਸੰਬਰ ( ) “ਸ਼ਹੀਦ ਬਾਬਾ ਜੋਰਾਵਰ ਸਿੰਘ, ਸ਼ਹੀਦ ਬਾਬਾ ਫਤਹਿ ਸਿੰਘ, ਸ਼ਹੀਦ ਮਾਤਾ ਗੁਜਰ ਕੌਰ ਅਤੇ ਸ਼ਹੀਦ ਬਾਬਾ ਮੋਤੀ ਰਾਮ ਮਹਿਰਾ ਜੀ ਦੇ 25, 26, 27 ਦਸੰਬਰ ਦੇ ਮਨਾਏ ਜਾ ਰਹੇ ਸ਼ਹੀਦੀ ਦਿਹਾੜਿਆ ਦੇ ਮੌਕੇ ਉਤੇ ਬਾਹਰਲੇ ਮੁਲਕਾਂ ਅਤੇ ਦੂਸਰੇ ਸੂਬਿਆਂ ਤੋ ਵੀ ਲੱਖਾਂ ਦੀ ਗਿਣਤੀ ਵਿਚ ਸਰਧਾਲੂ ਸਰਧਾ ਦੇ ਫੁੱਲ ਭੇਟ ਕਰਨ ਆ ਰਹੀ ਸੰਗਤ ਦੀ ਸਹੂਲਤ ਲਈ ਅਤੇ ਇਸ ਸਹੀਦੀ ਦਿਹਾੜੇ ਦੇ ਮਾਹੌਲ ਨੂੰ ਸਹੀ ਰੱਖਣ ਹਿੱਤ ਜੋ ਬੀਬੀ ਸੋਨਾ ਥਿੰਦ ਡਿਪਟੀ ਕਮਿਸਨਰ ਫਤਹਿਗੜ੍ਹ ਸਾਹਿਬ ਨੇ ਰੌਜਾ ਸਰੀਫ ਤੋ ਲੈਕ 4 ਨੰਬਰ ਚੂੰਗੀ ਸਰਹਿੰਦ ਦੇ ਦੋਵੇ ਪਾਸੇ ਦੁਕਾਨਾਂ ਅੱਗੇ ਸਟਾਲ ਅਤੇ ਹੋਰ ਫੜੀਆ ਲਗਾਉਣ ਉਤੇ ਜੋ ਰੋਕ ਲਗਾਉਣ ਦੇ ਹੁਕਮ ਕੀਤੇ ਹਨ । ਇਸਦੇ ਨਾਲ ਹੀ ਇਸ ਮੌਕੇ ਤੇ ਨਸ਼ੀਲੀਆਂ ਵਸਤਾਂ, ਆਂਡਾ, ਮੀਟ ਆਦਿ ਦੀ ਵਿਕਰੀ ਤੇ ਰੋਕਥਾਮ ਲਈ ਆਦੇਸ ਜਾਰੀ ਕਰਦੇ ਹੋਏ ਇਸ ਚੌਗਿਰਦੇ ਵਿਚ ਕਿਸੇ ਤਰ੍ਹਾਂ ਦੇ ਲਾਊਡ ਸਪੀਕਰ ਜਾਂ ਆਵਾਜ ਪ੍ਰਦੂਸਣ ਨੂੰ ਫੈਲਾਉਣ ਵਿਰੁੱਧ ਹੁਕਮ ਜਾਰੀ ਕਰਦੇ ਹੋਏ ਸਹੀ ਮਾਇਨਿਆ ਵਿਚ ਡਿਪਟੀ ਕਮਿਸਨਰ ਫਤਹਿਗੜ੍ਹ ਸਾਹਿਬ ਅਤੇ ਪ੍ਰਸਾਸਨ ਨੇ ਸਹੀ ਢੰਗ ਨਾਲ ਪ੍ਰਬੰਧ ਕਰਨ ਦੀ ਸੋਚ ਅਧੀਨ ਅਜਿਹਾ ਪ੍ਰਬੰਧ ਕੀਤਾ ਹੈ ਉਹ ਬਿਲਕੁਲ ਦਰੁਸਤ ਅਤੇ ਸਭ ਵਰਗਾਂ ਦੇ ਨਿਵਾਸੀਆ ਵੱਲੋ ਸਵਾਗਤਯੋਗ ਹੈ । ਕਿਉਂਕਿ ਸਾਹਿਬਜਾਦਿਆ ਦੀ ਸਹੀਦੀ ਅਤੇ ਉਨ੍ਹਾਂ ਵੱਲੋ ਦਿੱਤੀ ਸਹੀਦੀ ਦੇ ਮਕਸਦ ਅਤਿ ਸੰਜੀਦਗੀ ਭਰੇ ਤੇ ਮਨੁੱਖਤਾ ਨੂੰ ਅੱਛਾ ਸੰਦੇਸ ਦੇਣ ਵਾਲੇ ਇਹ ਦਿਹਾੜੇ ਹਨ ।”
ਇਹ ਵਿਚਾਰ ਸ. ਇਕਬਾਲ ਸਿੰਘ ਟਿਵਾਣਾ ਮੁੱਖ ਬੁਲਾਰਾ ਸਿਆਸੀ ਤੇ ਮੀਡੀਆ ਸਲਾਹਕਾਰ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਨੇ ਫਤਹਿਗੜ੍ਹ ਸਾਹਿਬ ਜਿ਼ਲ੍ਹੇ ਦੇ ਡਿਪਟੀ ਕਮਿਸਨਰ ਬੀਬੀ ਸੋਨਾ ਥਿੰਦ ਵੱਲੋ ਸ਼ਹੀਦੀ ਦਿਹਾੜਿਆ ਨੂੰ ਮੁੱਖ ਰੱਖਕੇ ਇਸ ਮਾਹੌਲ ਨੂੰ ਅਤਿ ਸੰਜੀਦਗੀ ਭਰਿਆ ਬਣਾਉਣ ਤੇ ਮਨੁੱਖਤਾ ਲਈ ਸਹੀ ਸੰਦੇਸ ਦੇਣ ਲਈ ਉਪਰੋਕਤ ਕੀਤੇ ਗਏ ਪ੍ਰਬੰਧਾਂ ਅਤੇ ਨਸੀਲੀਆਂ ਵਸਤਾਂ ਉਤੇ ਲਗਾਈ ਗਈ ਪਾਬੰਦੀ ਅਤੇ ਆਵਾਜ ਪ੍ਰਦੂਸਣ ਨੂੰ ਖਤਮ ਕਰਨ ਲਈ ਕੀਤੇ ਗਏ ਹੁਕਮਾਂ ਦੀ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਦੇ ਬਿਨ੍ਹਾਂ ਤੇ ਅਤੇ ਸਿੱਖ ਕੌਮ ਦੇ ਬਿਨ੍ਹਾਂ ਤੇ ਜੋਰਦਾਰ ਸਵਾਗਤ ਕਰਦੇ ਹੋਏ ਪ੍ਰਗਟ ਕੀਤੇ । ਉਨ੍ਹਾਂ ਉਮੀਦ ਪ੍ਰਗਟ ਕੀਤੀ ਕਿ ਜਿ਼ਲ੍ਹਾ ਪ੍ਰਸਾਸਨ ਵੱਲੋ ਜੋ ਉਪਰੋਕਤ ਹੁਕਮ ਜਾਰੀ ਕੀਤੇ ਗਏ ਹਨ, ਉਨ੍ਹਾਂ ਨੂੰ ਪੂਰੀ ਸੰਜੀਦਗੀ ਤੇ ਦ੍ਰਿੜਤਾ ਨਾਲ ਪੂਰਨ ਕਰਦੇ ਹੋਏ ਇਨ੍ਹਾਂ ਮਹਾਨ ਦਿਨਾਂ ਦੇ ਮਾਹੌਲ ਨੂੰ ਮਨੁੱਖਤਾ ਪੱਖੀ ਬਣਾਉਣ ਵਿਚ ਤੇ ਆਉਣ ਜਾਣ ਵਾਲੇ ਸਰਧਾਲੂਆਂ ਦੀ ਸਹੂਲਤ ਲਈ ਇਹ ਪ੍ਰਬੰਧ ਪੂਰਨ ਜਿੰਮੇਵਾਰੀ ਨਾਲ ਨਿਭਾਉਣਗੇ । ਸ. ਟਿਵਾਣਾ ਨੇ ਦੂਰ ਦੁਰਾਡਿਓ ਆਉਣ ਵਾਲੇ ਸਰਧਾਲੂਆਂ ਤੇ ਵੱਖ-ਵੱਖ ਸਮਾਜਿਕ, ਸਿਆਸੀ, ਧਾਰਮਿਕ ਜਥੇਬੰਦੀਆਂ ਨੂੰ ਬੀਬੀ ਸੋਨਾ ਥਿੰਦ ਡਿਪਟੀ ਕਮਿਸਨਰ ਵੱਲੋ ਉਠਾਏ ਗਏ ਕਦਮਾਂ ਲਈ ਹਰ ਤਰ੍ਹਾਂ ਸਹਿਯੋਗ ਦੇਣ ਵੀ ਅਪੀਲ ਕੀਤੀ ।