ਮੋਦੀ ਵੱਲੋ ਇਜਰਾਇਲ ਜਾਣ ਦੇ ਐਕਸਨ ਨੇ ਇੰਡੀਆਂ ਦੀ ਨਿਰਪੱਖਤਾ ਉਤੇ ਵੱਡਾ ਪ੍ਰਸ਼ਨ ਚਿੰਨ੍ਹ ਲਗਾ ਦਿੱਤਾ : ਮਾਨ

ਫ਼ਤਹਿਗੜ੍ਹ ਸਾਹਿਬ, 02 ਮਾਰਚ ( ) “ਇੰਡੀਆ ਦੇ ਵਜੀਰ ਏ ਆਜਮ ਸ੍ਰੀ ਨਰਿੰਦਰ ਮੋਦੀ ਹੁਣੇ ਹੀ ਕੌਮਾਂਤਰੀ ਪੱਧਰ ਦੇ ਪ੍ਰਭਾਵਿਤ ਹੋਏ ਹਾਲਾਤਾਂ ਤੋਂ ਪਹਿਲੇ ਜੋ ਇਜਰਾਇਲ ਗਏ ਸਨ, ਤਾਂ ਉਹ ਆਪਣੇ ਨਾਲ ਮਾਚਿਸ ਦੀ ਡੱਬੀ ਲੈਕੇ ਗਏ ਅਤੇ ਅੱਗ ਲਗਾਕੇ ਵਾਪਸ ਆ ਗਏ । ਜੋ ਵੱਖ-ਵੱਖ ਮੁਲਕਾਂ ਵਿਚ ਮੁਸਲਮਾਨ ਮੌਜੂਦਾ ਹਾਲਾਤਾਂ ਉਤੇ ਵੱਡੇ ਰੋਸ ਮੁਜਾਹਰੇ ਕਰ ਰਹੇ ਹਨ । ਇਹ ਇੰਡੀਆ ਦੇ ਮੁਸਲਮਾਨ ਵੀ ਰੋਸ ਵੱਜੋ ਸੜਕਾਂ ਤੇ ਆ ਰਹੇ ਹਨ । ਅਜਿਹਾ ਅਮਲ ਹੋਣ ਨਾਲ ਕਿਸੇ ਤਰ੍ਹਾਂ ਦਾ ਇੰਡੀਆ ਵਿਚ ਘੱਟ ਗਿਣਤੀ ਮੁਸਲਮਾਨ ਦਾ ਨੁਕਸਾਨ ਨਾ ਹੋਵੇ, ਇਸ ਲਈ ਮੁਸਲਮਾਨਾਂ ਨੂੰ ਚਾਹੀਦਾ ਹੈ ਕਿ ਉਹ ਇਸ ਗੰਭੀਰ ਵਿਸੇ ਉਤੇ ਸਮੂਹਿਕ ਤੌਰ ਤੇ ਅੱਗੇ ਲਈ ਸੋਚਣ, ਨਾ ਕਿ ਸੜਕਾਂ ਤੇ ਨਿਕਲਕੇ ਇੰਡੀਆ ਦੀ ਫ਼ੌਜ, ਪੁਲਿਸ, ਅਰਧ ਸੈਨਿਕ ਬਲਾਂ ਦਾ ਬਿਨ੍ਹਾ ਵਜਹ ਨਿਸ਼ਾਨਾਂ ਬਣਾਕੇ ਆਪਣਾ ਨੁਕਸਾਨ ਕਰਵਾਉਣ । ਅਸੀ ਮੁਸਲਿਮ ਕੌਮ ਦੇ ਇਸ ਦਰਦ ਵਿਚ ਵੱਡੀ ਹਮਦਰਦੀ ਪ੍ਰਗਟ ਕਰਦੇ ਹਾਂ । ਜੋ ਮੋਦੀ ਨੇ ਇਸ ਵਿਸੇ ਉਤੇ ਭੜਕਾਊ ਮੁਸਲਿਮ ਕੌਮ ਵਿਰੋਧੀ ਕਾਰਵਾਈ ਕੀਤੀ ਹੈ, ਇਨ੍ਹਾਂ ਨੂੰ ਇਸ ਗੱਲ ਦਾ ਗਿਆਨ ਹੋਣਾ ਚਾਹੀਦਾ ਹੈ ਕਿ ਮਹਿਲਾ ਵਿਚ ਰਹਿਣ ਵਾਲੇ ਜੇਕਰ ਅੱਗ ਲਗਾਕੇ ਸੋਚਦੇ ਹਨ ਕਿ ਉਹ ਬਚ ਜਾਣਗੇ, ਇਹ ਅੱਗ ਤਾਂ ਉਨ੍ਹਾਂ ਦੇ ਮਹਿਲਾਂ ਤੱਕ ਵੀ ਪਹੁੰਚ ਸਕਦੀ ਹੈ ।”

ਇਹ ਵਿਚਾਰ ਸ. ਸਿਮਰਨਜੀਤ ਸਿੰਘ ਮਾਨ ਪ੍ਰਧਾਨ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਨੇ ਕੌਮਾਂਤਰੀ ਪੱਧਰ ਦੇ ਤੇਜ਼ੀ ਨਾਲ ਬਦਲ ਰਹੇ ਹਾਲਾਤਾਂ ਉਤੇ ਇੰਡੀਆ ਦੇ ਵਜੀਰ ਏ ਆਜਮ ਸ੍ਰੀ ਮੋਦੀ ਵੱਲੋ ਇਜਰਾਇਲ ਜਾ ਕੇ ਕੀਤੇ ਅਮਲਾਂ ਨੂੰ ਜਿ਼ੰਮੇਵਾਰ ਠਹਿਰਾਉਦੇ ਹੋਏ ਅਤੇ ਮੁਸਲਿਮ ਕੌਮ ਦੀਆਂ ਭਾਵਨਾਵਾ ਨੂੰ ਪਹੁੰਚੀ ਡੂੰਘੀ ਠੇਸ ਲਈ ਹਮਦਰਦੀ ਪ੍ਰਗਟ ਕਰਦੇ ਹੋਏ ਜਾਹਰ ਕੀਤੇ । ਉਨ੍ਹਾਂ ਕਿਹਾ ਕਿ ਹਿੰਦੂਤਵ ਹੁਕਮਰਾਨਾਂ ਨੇ 1984 ਵਿਚ ਸਾਡੇ ਸ੍ਰੀ ਦਰਬਾਰ ਸਾਹਿਬ ਤੇ ਸ੍ਰੀ ਅਕਾਲ ਤਖਤ ਸਾਹਿਬ ਉਤੇ ਜਦੋ ਸਿੱਖ ਕੌਮ ਸ੍ਰੀ ਗੁਰੂ ਅਰਜਨ ਦੇਵ ਸਾਹਿਬ ਜੀ ਦੇ ਸਹੀਦੀ ਦਿਹਾੜੇ ਤੇ ਨਤਮਸਤਕ ਹੋਣ ਗਏ ਸੀ, ਤਾਂ ਇਨ੍ਹਾਂ ਕੱਟੜਵਾਦੀ ਫਿਰਕੂ ਜਮਾਤਾਂ ਨੇ ਬਲਿਊ ਸਟਾਰ ਦਾ ਹਮਲਾ ਕਰਕੇ ਵੱਡੀ ਗਿਣਤੀ ਵਿਚ ਸਿੱਖਾਂ ਨੂੰ ਸ਼ਹੀਦ ਕਰ ਦਿੱਤਾ ਸੀ । ਇਸੇ ਤਰ੍ਹਾਂ 1992 ਜਦੋ ਮੁਸਲਿਮ ਕੌਮ ਦੀ ਵੱਡੀ ਬਾਬਰੀ ਮਸਜਿਦ ਨੂੰ ਹਿੰਦੂਤਵ ਹੁਕਮਰਾਨਾਂ ਵੱਲੋ ਸ਼ਹੀਦ ਕਰ ਦਿੱਤਾ ਗਿਆ ਸੀ ਤਾਂ ਇਹ ਅੱਗ ਸ੍ਰੀ ਐਲ.ਕੇ.ਅਡਵਾਨੀ ਨੇ ਲਗਾਈ ਸੀ । ਇਸ ਲਈ ਅਸੀ ਇਸ ਮੁਸਲਿਮ ਕੌਮ ਦੇ ਦਰਦ ਨੂੰ ਬਹੁਤ ਚੰਗੀ ਤਰ੍ਹਾਂ ਸਮਝਦੇ ਹਾਂ । ਜਿਹੜੇ ਮੁਸਲਮਾਨ ਇਹ ਸਮਝਦੇ ਹਨ ਕਿ ਕਾਂਗਰਸ ਉਨ੍ਹਾਂ ਨਾਲ ਹੈ, ਉਹ ਵੱਡੇ ਭੁਲੇਖੇ ਵਿਚ ਹਨ । ਕਿਉਂਕਿ ਉਸ ਸਮੇ ਇੰਡੀਆ ਦੇ ਵਜੀਰ ਏ ਆਜਮ ਕਾਂਗਰਸ ਦੇ ਹੀ ਸ੍ਰੀ ਨਰਸਿਮਾਰਾਓ ਸਨ । ਜੋ ਕਿ ਕੱਟੜਵਾਦੀ ਹਿੰਦੂ ਜਥੇਬੰਦੀ ਆਰ.ਐਸ.ਐਸ ਦੇ ਮੈਬਰ ਹੋਣ ਕਰਕੇ ਇਨ੍ਹਾਂ ਨੇ ਹਿੰਦੂਤਵ ਜਮਾਤਾਂ ਨਾਲ ਸਾਠ-ਗਾਠ ਕਰਕੇ ਇਹ ਮੁਸਲਿਮ ਵਿਰੋਧੀ ਅਮਲ ਕੀਤਾ ਸੀ । ਜਦੋਕਿ ਉਹ ਇਸ ਦੁਖਾਂਤ ਨੂੰ ਰੋਕ ਵੀ ਸਕਦੇ ਸੀ । ਸ੍ਰੀ ਮੋਦੀ ਨੇ ਉਪਰੋਕਤ ਕੌਮਾਂਤਰੀ ਨੀਤੀ ਸੰਬੰਧੀ ਅਮਲ ਕਰਕੇ ਇੰਡੀਆ ਦੀ ਨਿਰਪੱਖਤਾ ਉਤੇ ਵੱਡਾ ਕਾਲਾ ਪ੍ਰਸ਼ਨ ਚਿੰਨ੍ਹ ਲਗਾ ਦਿੱਤਾ ਹੈ । ਦੂਸਰੇ ਪਾਸੇ ਨੌਰਥ ਕੋਰੀਆ, ਰੂਸ, ਚੀਨ ਮੋਦੀ ਦੀ ਇਸ ਪਾਲਸੀ ਦੇ ਬਹੁਤ ਸਖਤ ਖਿਲਾਫ ਹੋ ਗਏ ਹਨ । ਜਿਸਦੇ ਨਤੀਜੇ ਇੰਡੀਆ ਨਿਵਾਸੀਆ ਲਈ ਅਤੇ ਇਥੇ ਵੱਸਣ ਵਾਲੀਆ ਘੱਟ ਗਿਣਤੀ ਕੌਮਾਂ ਲਈ ਕਦੇ ਵੀ ਲਾਹੇਵੰਦ ਸਾਬਤ ਨਹੀ ਹੋ ਸਕਣਗੀਆ ।