ਜੇਕਰ ਹੁਕਮਰਾਨ ਆਪਣੇ ਨਦੀਆ, ਦਰਿਆਵਾ ਦੇ ਪਾਣੀ ਨੂੰ ਹੀ ਸਾਫ ਨਹੀ ਰੱਖ ਸਕਦੇ, ਫਿਰ ਉਹ ਮੁਲਕ ਨਿਵਾਸੀਆਂ ਨੂੰ ਕੀ ਪ੍ਰਬੰਧ ਕਰ ਸਕਣਗੇ ? : ਮਾਨ

ਫ਼ਤਹਿਗੜ੍ਹ ਸਾਹਿਬ, 24 ਫਰਵਰੀ ( ) “ਜੋ ਪੰਜਾਬ ਦੇ ਲੁਧਿਆਣਾ ਸਹਿਰ ਵਿਚੋ ਬੁੱਢਾ ਨਾਲਾ ਨਿਕਲਦਾ ਹੈ, ਜਿਸ ਵਿਚ ਸਮੁੱਚੀਆਂ ਫੈਕਟਰੀਆਂ ਦੇ ਤੇਜਾਬੀ ਅਤੇ ਰੋਗ ਫੈਲਾਉਣ ਵਾਲੇ ਤੱਤਾਂ ਦਾ ਗੰਦਾ ਪਾਣੀ ਅਤੇ ਸੀਵਰੇਜ ਦਾ ਪਾਣੀ ਲੰਮੇ ਸਮੇ ਤੋ ਪੈ ਰਿਹਾ ਹੈ, ਉਸਦੀ ਪੰਜਾਬ ਸਰਕਾਰ ਤੇ ਸੈਟਰ ਸਰਕਾਰ ਪੰਜਾਬੀਆਂ ਵੱਲੋ ਉੱਚੀ ਆਵਾਜ ਵਿਚ ਮਸਲਿਆ ਨੂੰ ਚੁੱਕਣ ਤੇ ਵੀ ਕੋਈ ਪ੍ਰਬੰਧ ਨਹੀ ਕੀਤਾ ਗਿਆ । ਤਾਂ ਫਿਰ ਗੰਗਾ-ਯਮੂਨਾ ਦੇ ਦਰਿਆਵਾ ਵਿਚ ਜੋ ਸਹਿਰ, ਪਿੰਡ, ਕਸਬੇ ਇਸਦੇ ਨਾਲ ਪੈਦੇ ਹਨ ਉਸਦਾ ਸਾਰਾ ਗੰਦ ਇਨ੍ਹਾਂ ਪਵਿੱਤਰ ਦਰਿਆਵਾ ਵਿਚ ਜਾ ਰਿਹਾ ਹੈ । ਉਹ ਹੋਰ ਵੀ ਖਤਰਨਾਕ ਅਤੇ ਮੁਲਕ ਨਿਵਾਸੀਆ ਵਿਚ ਕੈਸਰ, ਗਲਘੋਟੂ, ਅੰਤੜੀਆ ਦੀਆਂ ਬਿਮਾਰੀਆ ਨੂੰ ਵੱਡੇ ਪੱਧਰ ਤੇ ਲੰਮੇ ਸਮੇ ਤੋ ਜਕੜ ਵਿਚ ਲੈਦਾ ਆ ਰਿਹਾ ਹੈ । ਜਿਸਦਾ ਕੋਈ ਪ੍ਰਬੰਧ ਹਕੂਮਤ ਪੱਧਰ ਤੇ ਨਹੀ ਹੋ ਸਕਿਆ । ਜੋ ਕਿ ਅਤਿ ਸੰਜੀਦਾ ਮੁੱਦੇ ਉਤੇ ਹਕੂਮਤੀ ਅਣਗਹਿਲੀ ਦੀ ਪ੍ਰਤੱਖ ਮਿਸਾਲ ਹੈ । ਫਿਰ ਇਹ ਇਥੋ ਦੇ ਨਿਵਾਸੀਆ ਨੂੰ ਹੋਰ ਕਿਹੜੀਆ ਸਹੂਲਤਾਂ ਦੇਣ ਦਾ ਪ੍ਰਬੰਧ ਕਰ ਸਕਣਗੇ ?”

ਇਹ ਵਿਚਾਰ ਸ. ਸਿਮਰਨਜੀਤ ਸਿੰਘ ਮਾਨ ਪ੍ਰਧਾਨ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਨੇ ਪੰਜਾਬ ਦੇ ਬੁੱਢੇ ਨਾਲੇ ਅਤੇ ਪਹਾੜਾਂ ਵਿਚੋ ਨਿਕਲਣ ਵਾਲੀਆ ਗੰਗਾ-ਯਮੂਨਾ ਨਦੀਆ ਦੇ ਵਿਚ ਵੱਡੇ ਪੱਧਰ ਤੇ ਸਹਿਰੀ ਅਤੇ ਫੈਕਟਰੀਆਂ ਦਾ ਗੰਦ ਸੁੱਟੇ ਜਾਣ ਉਤੇ ਸੈਟਰ ਦੀ ਮੋਦੀ ਹਕੂਮਤ ਅਤੇ ਪੰਜਾਬ ਦੀ ਭਗਵੰਤ ਮਾਨ ਹਕੂਮਤ ਨੂੰ ਜਨਤਾ ਦੀ ਕਚਹਿਰੀ ਵਿਚ ਖੜ੍ਹਾ ਕਰਦੇ ਹੋਏ ਪ੍ਰਗਟ ਕੀਤੇ । ਉਨ੍ਹਾਂ ਕਿਹਾ ਕਿ ਜੋ ਉਪਰਲੇ ਪਹਾੜ ਹਿਮਾਚਲ, ਉਤਰਾਖੰਡ, ਅਰੁਣਾਚਲ ਪ੍ਰਦੇਸ, ਲੇਹ-ਲਦਾਖ ਆਦਿ ਹਨ, ਜਿਥੇ ਲੱਕੜ ਨਹੀ ਹੁੰਦੀ, ਉਥੋ ਦੇ ਨਿਵਾਸੀ ਸਰੀਰਕ ਮੌਤ ਹੋ ਜਾਣ ਤੇ ਉਨ੍ਹਾਂ ਨੂੰ ਬਿਜਲੀ ਮਸੀਨਾਂ ਰਾਹੀ ਸੰਸਕਾਰ ਕੀਤਾ ਜਾਂਦਾ ਹੈ ਅਤੇ ਉਨ੍ਹਾਂ ਦੀਆਂ ਅਸਥੀਆ ਉਹ ਉਥੋ ਹੀ ਇਨ੍ਹਾਂ ਦਰਿਆਵਾ ਵਿਚ ਭੇਟ ਕਰ ਦਿੰਦੇ ਹਨ । ਉਸ ਨਾਲ ਵੀ ਇਨ੍ਹਾਂ ਦਰਿਆਵਾ ਦੇ ਪਾਣੀਆ ਵਿਚ ਪ੍ਰਦੂਸਿਤ ਵੱਡੇ ਪੱਧਰ ਤੇ ਫੈਲਦਾ ਹੈ । ਇਥੇ ਇਹ ਵਰਣਨ ਕਰਨਾ ਜਰੂਰੀ ਹੈ ਕਿ ਸ੍ਰੀ ਮੋਦੀ ਵਜੀਰ ਏ ਆਜਮ ਇੰਡੀਆ ਵਾਰਨਾਸੀ ਤੋਂ ਐਮ.ਪੀ ਹਨ । ਇਹ ਗੰਗਾ ਦਾ ਪਵਿੱਤਰ ਦਰਿਆ ਬਿਲਕੁਲ ਵਾਰਨਾਸੀ ਦੇ ਨਾਲ ਵੱਗਦਾ ਹੈ । ਜਦੋ ਸ੍ਰੀ ਮੋਦੀ ਆਪਣੇ ਐਮ.ਪੀ ਹਲਕੇ ਵਾਰਨਾਸੀ ਜਾਂਦੇ ਹਨ ਅਤੇ ਉਥੇ ਠਹਿਰਦੇ ਹਨ ਤਾਂ ਉਹ ਆਪਣਾ ਪਖਾਨਾ ਵੀ ਕਰਦੇ ਹਨ, ਇਹ ਮਲ-ਮੂਤਰ ਸੀਵਰੇਜ ਰਾਹੀ ਇਸੇ ਗੰਗਾ ਵਿਚ ਜਾਂਦਾ ਹੈ । ਫਿਰ ਇਹ ਹੁਕਮਰਾਨ ਅਤੇ ਯੂਪੀ ਦੇ ਮੁੱਖ ਮੰਤਰੀ ਸ੍ਰੀ ਅਦਿਤਿਆਨਾਥ ਯੋਗੀ ਇਨ੍ਹਾਂ ਦਰਿਆਵਾ ਨੂੰ ਸਾਫ ਕਰਨ ਦੀ ਗੱਲ ਦੇ ਅਮਲਾਂ ਨੂੰ ਕਿਵੇ ਮੰਨਿਆ ਜਾ ਸਕਦਾ ਹੈ ? ਜਦੋਕਿ ਅਜਿਹੇ ਦਰਿਆਵਾ, ਨਦੀਆ ਦੇ ਪਾਣੀਆਂ ਨੂੰ ਹਰ ਤਰ੍ਹਾਂ ਦੇ ਮਲ-ਮੂਤਰ ਅਤੇ ਬਿਮਾਰੀਆ ਆਦਿ ਤੋ ਰਹਿਤ ਕਰਕੇ ਪੀਣ ਯੋਗ ਤੇ ਵਰਤੋ ਯੋਗ ਰੱਖਣ ਦੀ ਜਿੰਮੇਵਾਰੀ ਹੁਕਮਰਾਨਾਂ ਦੀ ਹੁੰਦੀ ਹੈ । ਜਿਸ ਨੂੰ ਮੋਦੀ ਹਕੂਮਤ ਤੇ ਸੰਬੰਧਤ ਸੂਬਿਆਂ ਦੀਆਂ ਹਕੂਮਤਾਂ ਪੂਰਨ ਕਰਨ ਵਿਚ ਅੱਜ ਵੀ ਅਸਫਲ ਹਨ । ਲੇਕਿਨ ਅਸੀ ਇਨ੍ਹਾਂ ਦਰਿਆਵਾ ਤੇ ਨਦੀਆ ਦੀ ਪਾਣੀ ਨੂੰ ਸਾਫ ਰੱਖਣ ਦੇ ਹੱਕ ਵਿਚ ਹਾਂ । ਜੋ ਕਿ ਇਥੋ ਦੇ ਨਿਵਾਸੀਆ ਅਤੇ ਇਥੋ ਦੇ ਵਾਤਾਵਰਣ ਨੂੰ ਸਹੀ ਰੱਖਣ ਲਈ ਪਹਿਲ ਦੇ ਆਧਾਰ ਤੇ ਹੋਣੀ ਚਾਹੀਦੀ ਹੈ । ਇਸ ਲਈ ਸਰਕਾਰ ਨੂੰ ਚਾਹੀਦਾ ਹੈ ਕਿ ਇਨ੍ਹਾਂ ਦਰਿਆਵਾ ਵਿਚ ਕੱਛੂਕੂਮੇ, ਮੱਛਲੀਆ ਅਤੇ ਮੱਗਰਮੱਛ ਦੀਆਂ ਨਸ਼ਲਾਂ ਦੀ ਗਿਣਤੀ ਨੂੰ ਵਧਾਇਆ ਜਾਵੇ ਕਿਉਂਕਿ ਇਹ ਸਮੁੰਦਰੀ ਜੀਵ ਮਲ-ਮੂਤਰ ਖਾ ਕੇ ਇਨ੍ਹਾਂ ਦਰਿਆਵਾ ਦੇ ਪਾਣੀਆ ਨੂੰ ਸਾਫ ਰੱਖਣ ਵਿਚ ਸਹਾਈ ਹੁੰਦੇ ਹਨ । ਜੋ ਹੁਕਮਰਾਨ ਸ੍ਰੀ ਮੋਦੀ ਅਤੇ ਯੂਪੀ ਦੇ ਮੌਜੂਦਾ ਮੁੱਖ ਮੰਤਰੀ ਸ੍ਰੀ ਯੋਗੀ ਆਪਣੇ ਮੁਲਕ ਦੇ ਦਰਿਆਵਾ ਤੇ ਨਦੀਆ ਵਿਚ ਲੰਮੇ ਸਮੇ ਤੋ ਪ੍ਰਦੂਸਿਤ ਹੋ ਰਹੇ ਇਨ੍ਹਾਂ ਪਾਣੀਆਂ ਨੂੰ ਬਚਾਅ ਨਹੀ ਸਕੇ ਜਾਂ ਇਸ ਵਿਸੇ ਉਤੇ ਆਪਣੀ ਬਣਦੀ ਜਿੰਮੇਵਾਰੀ ਅਜੇ ਤੱਕ ਨਹੀ ਨਿਭਾਅ ਸਕੇ ਤਾਂ ਦਰਿਆਵਾ ਤੇ ਨਦੀਆ ਦੇ ਪਾਣੀ ਨੂੰ ਸਾਫ ਕਰਨ ਦੇ ਕੀਤੇ ਜਾ ਰਹੇ ਦਾਅਵਿਆ ਨੂੰ ਕਿਵੇ ਮੰਨਿਆ ਜਾ ਸਕਦਾ ਹੈ ਜਾਂ ਇਹ ਵੱਡੀ ਜਿੰਮੇਵਾਰੀ ਕਦੋ ਪੂਰੀ ਕੀਤੀ ਜਾਵੇਗੀ ।