ਗੰਗਾ-ਯਮੂਨਾ, ਬਿਆਸ ਆਦਿ ਸਭ ਦਰਿਆਵਾ ਵਿਚ ਸੀਵਰੇਜ ਦਾ ਮਲ-ਮੂਤਰ ਅਤੇ ਫੈਕਟਰੀਆਂ ਦਾ ਤੇਜਾਬੀ ਪਾਣੀ ਲਈ ਹੁਕਮਰਾਨ ਜਿ਼ੰਮੇਵਾਰ : ਮਾਨ

ਫ਼ਤਹਿਗੜ੍ਹ ਸਾਹਿਬ, 20 ਫਰਵਰੀ ( ) “ਜੇਕਰ ਅੱਜ ਹਿੰਦੂਆਂ ਵੱਲੋ ਪਵਿੱਤਰ ਮੰਨੀ ਜਾਂਦੀ ਗੰਗਾ ਨਦੀ, ਜੋ ਅੰਗਰੇਜ਼ਾਂ ਦੇ ਸਮੇ ਬਿਲਕੁਲ ਸਾਫ ਪੀਣਯੋਗ ਪਾਣੀ ਵਾਲੀ ਹੁੰਦੀ ਸੀ, ਉਸ ਵਿਚ ਅੱਜ ਸੀਵਰੇਜ ਦਾ ਮਲ-ਮੂਤਰ, ਫੈਕਟਰੀਆਂ ਦਾ ਤੇਜਾਬੀ ਪਾਣੀ ਜਾਂ ਸ਼ਹਿਰਾਂ ਦਾ ਗੰਦ ਪੈ ਰਿਹਾ ਹੈ, ਤਾਂ ਇਹ ਪਾਣੀ ਅੱਤ ਮੁਲੀਨ ਹੋ ਚੁੱਕਾ ਹੈ । ਇਸ ਲਈ ਇਥੋ ਦੇ ਹੁਕਮਰਾਨਾਂ ਦੀਆਂ ਗੈਰ ਜਿੰਮੇਵਰਾਨ ਕਾਰਵਾਈਆ ਹੀ ਮੁੱਖ ਦੋਸ਼ੀ ਹਨ । ਜਿਨ੍ਹਾਂ ਨੇ ਆਪਣੇ ਪਵਿੱਤਰ ਦਰਿਆਵਾ, ਨਦੀਆਂ ਦੇ ਪੀਣ ਯੋਗ ਪਾਣੀ ਨਹੀ ਰਹਿਣ ਦਿੱਤਾ । ਇਥੇ ਇਹ ਵਰਣਨ ਕਰਨਾ ਜਰੂਰੀ ਹੈ ਕਿ ਸ੍ਰੀ ਮੋਦੀ ਵਜੀਰ ਏ ਆਜਮ ਇੰਡੀਆ ਵਾਰਨਾਸੀ ਤੋਂ ਐਮ.ਪੀ ਹਨ । ਇਹ ਗੰਗਾ ਦਾ ਪਵਿੱਤਰ ਦਰਿਆ ਬਿਲਕੁਲ ਵਾਰਨਾਸੀ ਦੇ ਨਾਲ ਵੱਗਦਾ ਹੈ । ਜਦੋ ਸ੍ਰੀ ਮੋਦੀ ਆਪਣੇ ਐਮ.ਪੀ ਹਲਕੇ ਵਾਰਨਾਸੀ ਜਾਂਦੇ ਹਨ ਅਤੇ ਉਥੇ ਠਹਿਰਦੇ ਹਨ ਤਾਂ ਉਹ ਆਪਣਾ ਪਖਾਨਾ ਵੀ ਕਰਦੇ ਹਨ, ਇਹ ਮਲ-ਮੂਤਰ ਸੀਵਰੇਜ ਰਾਹੀ ਇਸੇ ਗੰਗਾ ਵਿਚ ਜਾਂਦਾ ਹੈ । ਫਿਰ ਇਹ ਹੁਕਮਰਾਨ ਅਤੇ ਯੂਪੀ ਦੇ ਮੁੱਖ ਮੰਤਰੀ ਸ੍ਰੀ ਅਦਿਤਿਆਨਾਥ ਯੋਗੀ ਇਨ੍ਹਾਂ ਦਰਿਆਵਾ ਨੂੰ ਸਾਫ ਕਰਨ ਦੀ ਗੱਲ ਦੇ ਅਮਲਾਂ ਨੂੰ ਕਿਵੇ ਮੰਨਿਆ ਜਾ ਸਕਦਾ ਹੈ ? ਜਦੋਕਿ ਅਜਿਹੇ ਦਰਿਆਵਾ, ਨਦੀਆ ਦੇ ਪਾਣੀਆਂ ਨੂੰ ਹਰ ਤਰ੍ਹਾਂ ਦੇ ਮਲ-ਮੂਤਰ ਅਤੇ ਬਿਮਾਰੀਆ ਆਦਿ ਤੋ ਰਹਿਤ ਕਰਕੇ ਪੀਣ ਯੋਗ ਤੇ ਵਰਤੋ ਯੋਗ ਰੱਖਣ ਦੀ ਜਿੰਮੇਵਾਰੀ ਹੁਕਮਰਾਨਾਂ ਦੀ ਹੁੰਦੀ ਹੈ । ਜਿਸ ਨੂੰ ਮੋਦੀ ਹਕੂਮਤ ਤੇ ਸੰਬੰਧਤ ਸੂਬਿਆਂ ਦੀਆਂ ਹਕੂਮਤਾਂ ਪੂਰਨ ਕਰਨ ਵਿਚ ਅੱਜ ਵੀ ਅਸਫਲ ਹਨ । ਲੇਕਿਨ ਅਸੀ ਇਨ੍ਹਾਂ ਦਰਿਆਵਾ ਤੇ ਨਦੀਆ ਦੀ ਪਾਣੀ ਨੂੰ ਸਾਫ ਰੱਖਣ ਦੇ ਹੱਕ ਵਿਚ ਹਾਂ । ਜੋ ਕਿ ਇਥੋ ਦੇ ਨਿਵਾਸੀਆ ਅਤੇ ਇਥੋ ਦੇ ਵਾਤਾਵਰਣ ਨੂੰ ਸਹੀ ਰੱਖਣ ਲਈ ਪਹਿਲ ਦੇ ਆਧਾਰ ਤੇ ਹੋਣੀ ਚਾਹੀਦੀ ਹੈ ।”

ਇਹ ਵਿਚਾਰ ਸ. ਸਿਮਰਨਜੀਤ ਸਿੰਘ ਮਾਨ ਪ੍ਰਧਾਨ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਨੇ ਇੰਡੀਆਂ ਦੇ ਗੰਗਾ-ਯਮੂਨਾ ਅਤੇ ਪੰਜਾਬ ਦੇ ਬਿਆਸ ਵਰਗੇ ਦਰਿਆਵਾ ਜੋ ਕਿ ਹਿੰਦੂ ਰਿਸੀ ਬਿਆਸ ਦੀਆਂ ਜਟਾ ਵਿਚੋ ਨਿਕਲਦਾ ਹੈ, ਇਸ ਪਵਿੱਤਰ ਬਿਆਸ ਦੇ ਕੰਡੇ ਤੇ ਬੈਠਕੇ ਹੀ ਰਿਗਵੇਦ ਅਤੇ ਹੋਰ ਕਈ ਹਿੰਦੂ ਗ੍ਰੰਥ ਲਿਖੇ ਗਏ ਹਨ, ਉਸ ਵਿਚ ਵੀ ਸੀਵਰੇਜ, ਫੈਕਟਰੀਆਂ ਅਤੇ ਸ਼ਹਿਰਾਂ ਦੇ ਗੰਦੇ ਪਾਣੀ ਨੂੰ ਲੰਮੇ ਸਮੇ ਤੋ ਸੁੱਟੇ ਜਾਣ ਦੀਆਂ ਮਨੁੱਖਤਾ ਵਿਰੋਧੀ ਅਤੇ ਇਥੋ ਦੇ ਵਾਤਾਵਰਣ ਨੂੰ ਪ੍ਰਦੂਸਿਤ ਕਰਨ ਤੇ ਬਿਮਾਰੀਆ ਫੈਲਾਉਣ ਦੀ ਗੱਲ ਕਰਦੇ ਹੋਏ ਇਸ ਲਈ ਵੀ ਸੈਟਰ ਤੇ ਸੂਬਿਆਂ ਦੀਆਂ ਸਰਕਾਰਾਂ ਨੂੰ ਜਿੰਮੇਵਾਰ ਠਹਿਰਾਉਦੇ ਹੋਏ ਪ੍ਰਗਟ ਕੀਤੇ । ਉਨ੍ਹਾਂ ਕਿਹਾ ਕਿ ਜੋ ਇਥੋ ਦੇ ਦਰਿਆਵਾ ਅਤੇ ਨਦੀਆ ਵਹਿੰਦੀਆਂ ਹਨ ਉਨ੍ਹਾਂ ਦੇ ਪਾਣੀਆਂ ਨੂੰ ਇਥੋ ਦੇ ਨਿਵਾਸੀਆ ਦੇ ਪੀਣ ਤੇ ਹੋਰ ਵਰਤੋ ਲਈ ਸਹੀ ਰੱਖਣ ਦੀ ਜਿੰਮੇਵਾਰੀ ਹਕੂਮਤਾਂ ਦੀ ਹੁੰਦੀ ਹੈ । ਜਿਸ ਵਿਚ ਹਕੂਮਤਾਂ ਅਸਫਲ ਨਜਰ ਆ ਰਹੀਆ ਹਨ । ਜੋ ਹੁਕਮਰਾਨ ਸ੍ਰੀ ਮੋਦੀ ਅਤੇ ਯੂਪੀ ਦੇ ਮੌਜੂਦਾ ਮੁੱਖ ਮੰਤਰੀ ਸ੍ਰੀ ਯੋਗੀ ਆਪਣੇ ਮੁਲਕ ਦੇ ਦਰਿਆਵਾ ਤੇ ਨਦੀਆ ਵਿਚ ਲੰਮੇ ਸਮੇ ਤੋ ਪ੍ਰਦੂਸਿਤ ਹੋ ਰਹੇ ਇਨ੍ਹਾਂ ਪਾਣੀਆਂ ਨੂੰ ਬਚਾਅ ਨਹੀ ਸਕੇ ਜਾਂ ਇਸ ਵਿਸੇ ਉਤੇ ਆਪਣੀ ਬਣਦੀ ਜਿੰਮੇਵਾਰੀ ਅਜੇ ਤੱਕ ਨਹੀ ਨਿਭਾਅ ਸਕੇ ਤਾਂ ਦਰਿਆਵਾ ਤੇ ਨਦੀਆ ਦੇ ਪਾਣੀ ਨੂੰ ਸਾਫ ਕਰਨ ਦੇ ਕੀਤੇ ਜਾ ਰਹੇ ਦਾਅਵਿਆ ਨੂੰ ਕਿਵੇ ਮੰਨਿਆ ਜਾ ਸਕਦਾ ਹੈ ਜਾਂ ਇਹ ਵੱਡੀ ਜਿੰਮੇਵਾਰੀ ਕਦੋ ਪੂਰੀ ਕੀਤੀ ਜਾਵੇਗੀ ।