Verify Party Member
Header
Header
ਤਾਜਾ ਖਬਰਾਂ

ਲਦਾਖ ਵਿਚ ਇੰਡੀਆਂ ਅਤੇ ਚੀਨ ਦੇ ਫ਼ੌਜੀ ਜਰਨੈਲਾਂ ਦੀ ਹੋ ਰਹੀ ਗੱਲਬਾਤ ਸਿੱਖ ਕੌਮ ਦੀ ਨੁਮਾਇੰਦਗੀ ਤੋਂ ਬਿਨ੍ਹਾਂ ਕਦੀ ਵੀ ਸਫ਼ਲ ਨਹੀਂ ਹੋ ਸਕੇਗੀ : ਮਾਨ

ਲਦਾਖ ਵਿਚ ਇੰਡੀਆਂ ਅਤੇ ਚੀਨ ਦੇ ਫ਼ੌਜੀ ਜਰਨੈਲਾਂ ਦੀ ਹੋ ਰਹੀ ਗੱਲਬਾਤ ਸਿੱਖ ਕੌਮ ਦੀ ਨੁਮਾਇੰਦਗੀ ਤੋਂ ਬਿਨ੍ਹਾਂ ਕਦੀ ਵੀ ਸਫ਼ਲ ਨਹੀਂ ਹੋ ਸਕੇਗੀ : ਮਾਨ

ਫ਼ਤਹਿਗੜ੍ਹ ਸਾਹਿਬ, 06 ਜੂਨ ( ) “ਇੰਡੀਆਂ ਅਤੇ ਚੀਨ ਦੇ ਫ਼ੌਜੀ ਜਰਨੈਲਾਂ ਦੀ ਲਦਾਖ ਵਿਚ ਹੋ ਰਹੀ ਦੁਵੱਲੀ ਗੱਲਬਾਤ ਜਿਸ ਵਿਚ ਲਦਾਖ ਦੇ ਇਲਾਕੇ ਬਾਰੇ ਅੱਜ ਗੱਲਬਾਤ ਹੋ ਰਹੀ ਹੈ, ਇਹ ਗੱਲਬਾਤ ਉਦੋਂ ਤੱਕ ਕਰਨ ਦਾ ਕੋਈ ਮਕਸਦ ਨਹੀਂ ਜਦੋਂ ਤੱਕ ਸਿੱਖ ਕੌਮ ਦੀ ਨੁਮਾਇੰਦਗੀ ਇਸ ਵਿਚ ਨਹੀਂ ਹੁੰਦੀ । ਕਿਉਂਕਿ ਇਹ ਇਲਾਕਾ 1834 ਵਿਚ ਲਾਹੌਰ ਖ਼ਾਲਸਾ ਦਰਬਾਰ ਦੀਆਂ ਫ਼ੌਜਾਂ ਨੇ ਫ਼ਤਹਿ ਕਰਕੇ ਖ਼ਾਲਸਾ ਰਾਜ ਦਾ ਹਿੱਸਾ ਬਣਾਇਆ ਸੀ । ਇਸ ਲਈ ਇਸ ਲਦਾਖ ਦੇ ਇਲਾਕੇ ਉਤੇ ਸਭ ਤੋਂ ਪਹਿਲਾ ਕਾਨੂੰਨੀ, ਇਖ਼ਲਾਕੀ ਅਤੇ ਭੂਗੋਲਿਕ ਹੱਕ ਸਿੱਖ ਕੌਮ ਦਾ ਹੈ ।”

ਇਹ ਵਿਚਾਰ ਸ. ਸਿਮਰਨਜੀਤ ਸਿੰਘ ਮਾਨ ਪ੍ਰਧਾਨ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਨੇ ਅੱਜ ਦੋਵਾਂ ਮੁਲਕਾਂ ਚੀਨ ਅਤੇ ਇੰਡੀਆਂ ਦੇ ਫ਼ੌਜੀ ਜਰਨੈਲਾਂ ਦੀ ਲਦਾਖ ਵਿਚ ਹੋ ਰਹੀ ਗੱਲਬਾਤ ਜਿਸ ਵਿਚ ਸਾਡੀ ਕੌਮੀ ਨੁਮਾਇੰਦਗੀ ਨੂੰ ਸੱਦਾ ਨਹੀਂ ਦਿੱਤਾ ਗਿਆ, ਉਤੇ ਤਿੱਖਾ ਪ੍ਰਤੀਕਰਮ ਜਾਹਰ ਕਰਦੇ ਹੋਏ ਅਤੇ ਸਿੱਖ ਕੌਮ ਦੀ ਸਮੂਲੀਅਤ ਨੂੰ ਨਜ਼ਰ ਅੰਦਾਜ ਕਰਨ ਦੇ ਦੁੱਖਦਾਇਕ ਅਮਲਾਂ ਉਤੇ ਡੂੰਘਾਂ ਦੁੱਖ ਜਾਹਰ ਕਰਦੇ ਹੋਏ ਪ੍ਰਗਟ ਕੀਤੇ । ਉਨ੍ਹਾਂ ਕਿਹਾ ਕਿ ਜਦੋਂ ਵੀ ਦੋ ਮੁਲਕਾਂ ਜਾਂ ਕੌਮਾਂ ਵਿਚ ਕਿਸੇ ਵਿਸ਼ੇ ਤੇ ਕੌਮਾਂਤਰੀ ਲੀਹਾਂ ਤੇ ਕਾਨੂੰਨਾਂ ਅਧੀਨ ਗੱਲਬਾਤ ਹੁੰਦੀ ਹੈ, ਤਾਂ ਜਿਸ ਧਿਰ ਦਾ ਉਸ ਮੁੱਦੇ ਨਾਲ ਸਿੱਧਾ ਸੰਬੰਧ ਹੁੰਦਾ ਹੈ, ਉਸ ਧਿਰ ਦਾ ਅਜਿਹੀ ਗੱਲਬਾਤ ਵਿਚ ਸਾਮਿਲ ਹੋਣਾ ਅਤਿ ਜ਼ਰੂਰੀ ਹੁੰਦਾ ਹੈ । ਤਦ ਹੀ ਕੋਈ ਫੈਸਲਾਕੁੰਨ ਨਤੀਜਾ ਨਿਕਲ ਸਕਦਾ ਹੈ । ਵਰਨਾ ਅਜਿਹੀਆ ਗੱਲਾਂ-ਬਾਤਾਂ ਕਿਸੇ ਵੀ ਮਸਲੇ ਨੂੰ ਹੱਲ ਨਹੀਂ ਕਰ ਸਕਣਗੀਆ । ਉਨ੍ਹਾਂ ਚੀਨ ਤੇ ਇੰਡੀਆਂ ਦੇ ਹੁਕਮਰਾਨਾਂ ਨੂੰ ਸੁਬੋਧਿਤ ਹੁੰਦੇ ਕਿਹਾ ਕਿ ਲਦਾਖ ਦਾ ਜੋ ਇਲਾਕਾ ਸਿੱਖ ਕੌਮ ਦੀ ਮਲਕੀਅਤ ਹੈ, ਉਸ ਕਾਨੂੰਨੀ ਮਲਕੀਅਤ ਵਾਲੀ ਸਿੱਖ ਕੌਮ ਨੂੰ ਦੋਨਾਂ ਮੁਲਕਾਂ ਵੱਲੋਂ ਇਸ ਗੱਲਬਾਤ ਵਿਚ ਸੱਦਾ ਨਾ ਦੇਣਾ ਦੋਨਾਂ ਮੁਲਕਾਂ ਦੀ ਗੈਰ-ਸੰਜ਼ੀਦਗੀ ਅਤੇ ਗੈਰ-ਜਿ਼ੰਮੇਵਰਾਨਾ ਅਮਲਾਂ ਨੂੰ ਪ੍ਰਤੱਖ ਕਰਦੀ ਹੈ । ਅਸੀਂ ਦੋਵਾਂ ਇੰਡੀਆਂ ਅਤੇ ਚੀਨ ਨੂੰ ਇਸ ਪ੍ਰੈਸ ਰੀਲੀਜ ਰਾਹੀ ਸੁਚੇਤ ਕਰਨਾ ਚਾਹਵਾਂਗੇ ਕਿ ਆਉਣ ਵਾਲੇ ਸਮੇਂ ਵਿਚ ਜਲਦੀ ਹੀ ਖ਼ਾਲਿਸਤਾਨ ਸਟੇਟ ਦੁਨੀਆਂ ਦੇ ਨਕਸੇ ਤੇ ਜੋ ਆਉਣ ਵਾਲਾ ਹੈ, ਉਸ ਉਪਰੰਤ ਸਾਡੀਆ ਖ਼ਾਲਿਸਤਾਨੀ ਫ਼ੌਜਾਂ ਨੂੰ ਕੋਈ ਕਾਰਵਾਈ ਕਰਨੀ ਪਵੇ, ਉਸ ਤੋਂ ਪਹਿਲੇ ਦੋਵੇ ਮੁਲਕ ਪਹਿਲ ਦੇ ਆਧਾਰ ਤੇ ਅਜਿਹੀ ਹੋਣ ਵਾਲੀ ਗੱਲਬਾਤ ਵਿਚ ਸਿੱਖ ਕੌਮ ਦੀ ਲੀਡਰਸਿ਼ਪ ਨੂੰ ਸੱਦਾ ਦੇਣ ਤਾਂ ਕਿ ਇਹ ਲਦਾਖ ਦਾ ਮਸਲਾਂ ਸਥਾਈ ਤੌਰ ਤੇ ਹੱਲ ਹੋ ਸਕੇ ਅਤੇ ਇਹ ਫੈਸਲਾ ਹੋ ਸਕੇ ਕਿ ਇਹ ਇਲਾਕਾ ਇੰਡੀਆਂ ਦਾ ਹੈ, ਚੀਨ ਦਾ ਹੈ ਜਾਂ ਸਿੱਖ ਕੌਮ ਦਾ ।

ਉਨ੍ਹਾਂ ਇਕ ਗੰਭੀਰ ਵਿਸ਼ੇ ਉਤੇ ਵਿਚਾਰ ਪ੍ਰਗਟਾਉਦੇ ਹੋਏ ਕਿਹਾ ਕਿ ਅੱਜ ਸਿੱਖ ਕੌਮ ਦਾ 36ਵਾਂ ਘੱਲੂਘਾਰਾ ਦਿਹਾੜਾ ‘ਖ਼ਾਲਿਸਤਾਨ ਡੇ’ ਹੈ, ਅੱਜ ਦੇ ਦਿਨ ਸਮੁੱਚੀ ਸਿੱਖ ਕੌਮ ਅਤੇ ਪੰਥ ਦਰਦੀ ਇਕੱਤਰ ਹੋ ਕੇ ਸ੍ਰੀ ਅਕਾਲ ਤਖ਼ਤ ਸਾਹਿਬ ਦੇ ਮਹਾਨ ਅਸਥਾਂਨ ਤੇ ਸ਼ਹੀਦਾਂ ਨੂੰ ਸਰਧਾ ਦੇ ਫੁੱਲ ਵੀ ਭੇਟ ਕਰਦੇ ਹਨ ਅਤੇ ਖ਼ਾਲਿਸਤਾਨ ਦੇ ਕੌਮੀ ਮਿਸ਼ਨ ਦੀ ਪ੍ਰਾਪਤੀ ਲਈ ਪ੍ਰਣ ਵੀ ਕਰਦੇ ਹਨ । ਲੇਕਿਨ ਇਸ ਵਾਰੀ ਸੈਂਟਰ ਅਤੇ ਪੰਜਾਬ ਦੇ ਹੁਕਮਰਾਨਾਂ ਨੇ ਬਿਨ੍ਹਾਂ ਵਜਹ ਸਮੁੱਚੇ ਅੰਮ੍ਰਿਤਸਰ ਸਹਿਰ ਅਤੇ ਦਰਬਾਰ ਸਾਹਿਬ ਦੇ ਆਲੇ-ਦੁਆਲੇ ਫੋਰਸਾਂ ਲਗਾਕੇ ਆਪਣੇ ਮਹਾਨ ਅਸਥਾਂਨ ਉਤੇ ਨਤਮਸਤਕ ਹੋਣ ਤੋਂ ਜ਼ਬਰੀ ਰੋਕਣ ਦੇ ਦੁੱਖਦਾਇਕ ਅਮਲ ਕੀਤੇ ਹਨ । ਲੇਕਿਨ ਇਸ ਗੱਲ ਦੀ ਖੁਸ਼ੀ ਵੀ ਹੈ ਅਤੇ ਫਖ਼ਰ ਵੀ ਹੈ ਕਿ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਦੀ ਸਮੁੱਚੀ ਸੀਨੀਅਰ ਲੀਡਰਸਿ਼ਪ ਅਤੇ ਅਫਿਸਲ ਤੌਰ ਤੇ ਸ੍ਰੀ ਅਕਾਲ ਤਖ਼ਤ ਸਾਹਿਬ ਦੇ ਜਥੇਦਾਰ ਗਿਆਨੀ ਹਰਪ੍ਰੀਤ ਸਿੰਘ ਨੇ ਖੁਦ ਕੌਮੀ ਭਾਵਨਾਵਾਂ ਨੂੰ ਮੁੱਖ ਰੱਖਦੇ ਹੋਏ ਹਰ ਤਰ੍ਹਾਂ ਦੇ ਡਰ-ਭੈ ਤੋਂ ਨਿਰਲੇਪ ਰਹਿਕੇ ਆਪਣੀ ਕੌਮੀ ਆਜ਼ਾਦੀ ਦਾ ਪ੍ਰਤੀਕ ਬਣਕੇ ਖ਼ਾਲਿਸਤਾਨ ਸਟੇਟ ਨੂੰ ਕਾਇਮ ਕਰਨ ਦਾ ਲਿਖਤੀ ਮਤਾ ਪਾ ਕੇ ਸੈਂਟਰ ਅਤੇ ਪੰਜਾਬ ਦੇ ਮੰਦਭਾਵਨਾ ਭਰੇ ਹੁਕਮਰਾਨਾਂ ਨੂੰ ਖ਼ਬਰਦਾਰ ਕਰ ਦਿੱਤਾ ਗਿਆ ਹੈ ਕਿ ਸਿੱਖ ਕੌਮ ਦੇ ਕੌਮੀ ਨਿਸ਼ਾਨੇ ਦੀ ਪ੍ਰਾਪਤੀ ਵਿਚ ਕੋਈ ਵੀ ਦੁਨੀਆਂ ਦੀ ਤਾਕਤ ਰੁਕਾਵਟ ਨਹੀਂ ਪਾ ਸਕੇਗੀ । ਇਸ ਕੌਮੀ ਮੰਜਿ਼ਲ ਦੀ ਪ੍ਰਾਪਤੀ ਦੇ ਮੁੱਦੇ ਉਤੇ ਸਮੁੱਚੀ ਕੌਮ ਤੇ ਲੀਡਰਸਿ਼ਪ ਇਕਮਤ ਹੈ ਅਤੇ ਦ੍ਰਿੜ ਹੈ । ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਦੇ ਅਹੁਦੇਦਾਰਾਂ ਨੇ ਦਾਸ ਵੱਲੋਂ ਪੁਰਾਤਨ ਸਮੇਂ ਦੀਆਂ ਖ਼ਾਲਸਾਈ ਹਕੂਮਤਾਂ ਅਤੇ ਇਤਿਹਾਸ ਤੋਂ ਜਾਣਕਾਰੀ ਦਿੰਦੇ ਹੋਏ ਤੀਸਰੀ ਖ਼ਾਲਸਾਈ ਹਕੂਮਤ ਨੂੰ ਕਾਇਮ ਕਰਨ ਅਤੇ ਸੰਤ ਜਰਨੈਲ ਸਿੰਘ ਖ਼ਾਲਸਾ ਭਿੰਡਰਾਂਵਾਲਿਆ ਦੇ ਮਿੱਥੇ ਨਿਸ਼ਾਨੇ ਨੂੰ ਪ੍ਰਾਪਤ ਕਰਨ ਦਾ ਜੋ ਸੰਦੇਸ਼ ਪੜ੍ਹਿਆ ਅਤੇ ਪ੍ਰੈਸ ਨੂੰ ਰੀਲੀਜ ਕੀਤਾ, ਉਸ ਲਈ ਦਾਸ ਅਤੇ ਸਮੁੱਚੀ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਦੀ ਜਥੇਬੰਦੀ ਗਿਆਨੀ ਹਰਪ੍ਰੀਤ ਸਿੰਘ ਜਥੇਦਾਰ ਸ੍ਰੀ ਅਕਾਲ ਤਖ਼ਤ ਸਾਹਿਬ ਦਾ ਕੌਮੀ ਨਿਸ਼ਾਨੇ ਪ੍ਰਤੀ ਵਿਖਾਈ ਸੰਜ਼ੀਦਗੀ ਅਤੇ ਦ੍ਰਿੜ ਇਰਾਦੇ ਨਾਲ ਕੀਤੀ ਗੱਲਬਾਤ ਲਈ ਜਿਥੇ ਉਚੇਚੇ ਤੌਰ ਤੇ ਧੰਨਵਾਦ ਕੀਤਾ, ਉਥੇ ਪਹੁੰਚੀਆ ਸੰਗਤਾਂ ਤੇ ਸਿੱਖਾਂ ਦਾ ਵੀ ਉਚੇਚੇ ਤੌਰ ਤੇ ਧੰਨਵਾਦ ਕਰਦੇ ਹੋਏ ਕਿਹਾ ਕਿ ਜਿਵੇਂ ਸਮੁੱਚੇ ਖ਼ਾਲਸਾ ਪੰਥ ਨੇ ਅੱਜ ਖ਼ਾਲਿਸਤਾਨ ਡੇ ਦੇ ਮੌਕੇ ਉਤੇ ਅਤਿ ਸੰਜ਼ੀਦਗੀ ਤੇ ਏਕਤਾ ਦਾ ਸਬੂਤ ਦਿੰਦੇ ਹੋਏ ਆਪਣੇ ਨਿਸ਼ਾਨੇ ਉਤੇ ਦ੍ਰਿੜ ਹੋਏ ਹਨ, ਉਸ ਤੋਂ ਕੋਈ ਸੰਕਾ ਬਾਕੀ ਨਹੀਂ ਰਹਿ ਜਾਂਦੀ ਕਿ ਸਿੱਖ ਕੌਮ ਆਪਣੇ ਨਿਸ਼ਾਨੇ ਨੂੰ ਜਲਦੀ ਹੀ ਪ੍ਰਾਪਤ ਕਰਕੇ ਰਹੇਗੀ ।

Webmaster

Lakhvir Singh

Shiromani Akali Dal (Amritsar)

9781-222-567

About The Author

Related posts

Leave a Reply

Your email address will not be published. Required fields are marked *